كتب ـ هشام عبد الجليل
قال الفريق كامل الوزير، وزير النقل: "هنشتغل ونعمل طرق زيادة وكبارى زيادة، محتاجين شبكة طرق علشان نتوسع فى التنمية، هنروح شرق العوينات إزاى علشان نزرع وإحنا معندناش طرق، المنطقة الصناعية فى جرجا محتاجين شبكة طرق، بطلب من حضراتكم اللى بيقولك بتعمل كبارى كتيرة قوله الطرق شرايين التنمية وحل المشاكل المرورية".
وتابع الوزير خلال كلمته بالجلسة العامة بمجلس النواب اليوم: "يهمنا أهلنا يبقوا عارفين ليه بنعمل كبارى كتير، علشان شرايين التنمية، عارف أننا مقصرين والدليل أننا محتاجين طرق وكبارى أكثر وأكثر، وخير دليل الـ102 طلب إحاطة بيقولوا إننا محتاجين طرق أكثر".
واستطرد: "تم التخطيط لإنشاء 1000 كوبري / ونفق ليصبح الإجمالي 2500 كوبري / نفق، تم إنجاز 115 كوبري / نفقا وآخرها كوبري (أجهور وعرب الرمل - كوبري كفر الدوار علي الطريق الزراعي)، وجارى تنفيذ 85 كوبري ونفقا من أهمها:
- كبارى الطريق الزراعي (صفط الحرية - كوم إشو).
- 10 كبارى على الرياح البحيري بديلة للمعديات (4 كبارى سيارات و6 كبارى مشاة)
- 22 كوبرى أعلى المزلقانات
واستطرد الوزير: "تم التخطيط لرفع كفاءة 125 ألف كم من الطرق العامة داخل المحافظات، تم إنجاز 36 ألف كم، وفيما يخص المبادرة الرئاسية "حياة كريمة"، تم التخطيط لتطوير ورفع كفاءة طرق بإجمالى 2900 كم ضمن المبادرة تم الانتهاء من تنفيذ طرق بإجمالى أطوال 330 كم منها 210 كم فى الصعيد، و120 كم فى الدلتا.
